« Umsóknin var samþykkt! | Heim | Ótrúlega margir bjartir fletir »
Um Ömmu mína
Í dag er ár síðan Hulda Amma mín dó. Eftir langa baráttu tapaði hún í baráttu sinni við sitt gamla, lúna hjarta. Hún var seinasti ættingi minn af þessari kynslóð, Jói Afi, Ragnar Afi og Lauga Amma höfðu þegar farið á undanförnum nokkrum árum. Amma mín var oft kölluð "lakkrísamman" af vinum mínum því að alltaf þegar hún kom í heimsókn kom hún með afskorninga af lakkrís úr Appoló þar sem hún vann. Innan ættarinnar var hún stundum kölluð "Amma bandstrik" vegna þess að hún merkti alltaf jólagjafirnar með "Frá: Amma - Afi". Amma var dugnaðarforkur sem alltaf þurfti að vera að, meira að segja þegar hún kom í heimsókn til annarra. Mamma var oft eins og þeitispjald að passa að Amma gamla gegni ekki fram af sér við heimilisstörfin.
Já, Amma mín, hvíldu vel, þú hefur svo sannarlega unnið fyrir því. Huldufólkið saknar þín allt.
--------
Ritað 17. júlí 2004 kl. 10:38 um blogger| Skoðanir (0)
