« Stærðfræðinámskeið | Heim | Trúleysi og efahyggja »
Bloggfest
Undanfarnar 2-3 vikur hefur verið ákveðin þurrð í gangi í þeim bloggum sem ég skoða reglulega. Ég sjálf hef verið að skrifa hálf innihaldslitlar færslur og ýmsir aðrir skrifað lítið sem ekkert. Nú hefur hins vegar síðastliðna sólarhringa komið upp alveg frábærar umræður á hinum ýmsum stöðum.
- Hann Tryggvi hefur verið með stórskemmtilega pælingu í kringum það hvort maður geti verið sáttur við röksemdafærslu annarra, án þess að vera sammála þeim, og hvort maður geti verið sammála einhverjum en ósammála röksemdafærslunni. Skemmtileg pæling og stórskemmtilegar umræður.
- Lára spurði "Hvernig á maður að kenna?" en út frá því spunnust heitar umræður um kennslufræðilegar hliðar á upplýsingatæknikennslu, m.a. um það hvaða kerfi henta og hvort ákveðin kerfi séu góð til þess brúks.
- Óli Gneisti kveikti í mörgum með því að kalla stjórnanda Kastljóssins "Spennta skólastelpu" en sneri þeim logum upp í nokkuð góða umræðu um jafnrétti með færslunni sinni "Gelding tungumálsins". Skemmtilegar pælingar þar.
Ég mæli með þessum umræðum öllum.
Ritað 23. nóvember 2004 kl. 13:23 um mitt| Skoðanir (0) | Tilvísanir (0)
Tilvísanir
Tilvísunarslóð fyrir þessa færslu:
http://www.valdisbjork.com/MT/mt-tb.cgi/58
