ég rakst inn á þessa síðu hjá þér og ákvað bara að koma með smá athugasemd. Fyrsti kynningarfundurinn sem Þorgerður hélt var hérna í Fjölbrautaskóla Snæfellinga og þar svaraði hún bæði athugasemdum og spurningum. Mér fannst þessi fundur gagnlegur þó auðvitað þurfi að ræða meira um framkvæmdahliðina. Mestu breytingarnar fara fram í grunnskólanum svo það verður fjör þegar á að fara að breyta þar.
Auðvitað er möguleiki á að hún hafi haft minni tíma annars staðar en hér hafði hún fínan tíma. kv, Valla

Takk fyrir það Valgerður. Ég sé að fólk hefur greinilega misjafnt álit á þessu. Þorgerður hefur ekki komið til okkar ennþá í MA þannig að það sem maður hefur fyrir sér um framkvæmd þessara funda er bara sögusagnir frá öðrum. Það gæti verið að tíminn sem gefinn er til umræðna hafi verið mismunandi eða mismunandi álit fólks á því hvað er viðunandi tími. Held að maður verði bara að bíða og sjá.

Mín reynsla sem framhaldsskólanemi er sú að framhaldsskólinn er engan vegin of fjölbreyttur (skerðing á námi...skerðing á námsframboði...skerðing á fjölbreytni) hann er engan vegin of langur heldur. Flestir sem útskrifuðust með mér 2002 óska þess að þeir væru enn í framhaldsskóla vegna þess að núna er mun fjölbreyttara nám í boði en var þá... Ég held að það væri alger synd að taka af krökkum þennan tíma sem þeir þó hafa til þess að átta sig á lífin og hvað þeir vilja, það væri enn verra að fækka námsgreinum. Við erum ekki með framhaldsskóla til þess að fá bara framúrskarandi einstaklinga í samfélagið heldur til þess að fá sem flesta frambærilega, sjálfstæða einstaklinga. Ef krafan er að vera geggjað klár og duglegur og klára framhaldsskólann á no-time þá nennir enginn að vera memm.
Ég hef samt engan vegin kynnt mér málið nógu vel til að verða alveg brjáluð, en samt...

Það sem menntamálaráðuneytið hefur sent frá sér hefur aðallega snert bóknámsbrautirnar þrjár, mála-, félagsfræði- og náttúrufræðibraut. Það gerir ráð fyrir að fjölbrautaskólar lagi starfstíma sinn að því, sem getur verið mjög flókið fyrir marga skóla. Það er því ekki víst að fjölbreytni í námi breytist mikið, þ.e. að brautum fækki, en það er nokkuð ljóst að fjölbreytni innan bóknámsbrautanna mun skerðast verulega. Það er mér t.d. alveg hulin ráðgáta hvaða áhrif þessi breyting myndi hafa á listnámsbraut til stúdentsprófs ( http://www.vma.is/page.asp?id=619#ln2 ).

Svo held ég að það sé best að fólk muni það að ef það liggur svona mikið á að fá þessa "framúrskarandi einstaklinga" sem fyrst út í samfélagið, þá standa þeim til boða bæði áfangaskólar þar sem þeir geta hagað námi sínu þannig að það taki þrjú ár eða jafnvel skemmri tíma, eða Menntakólinn Hraðbraut ( http://www.hradbraut.is/ ) sem kemur fólki í gegnum þetta á tveimur árum. Meðalmanneskjan þarf bara aðeins lengri tíma til að bæði meðtaka námsefnið sem þar og líka lifa og þroskast.

Vil benda þér á síðu Kennarasambandsins þar er góð hugleiðing stærðfræðikennara um styttingu náms til stúdentsprófs. Þá er líka frétt um starfsnám og hvernig eigi að stytta það líka. Það verður gaman þegar grunnskólakennurum verður kynnt þessi ósköp, sérstaklega þar sem þeir eru nýkomnir úr verkfalli og láta ekki bjóða sér allt.

Takk fyrir ábendinguna, ég skoða þetta. Ég held einmitt að það verði spennandi að sjá hvað kemur út úr kynningu þessara óskapa fyrir grunnskólakennurum, ekki síst vegna þess að þið þurfið í raun og veru að taka á þessari vitleysu a.m.k. þremur árum á undan okkur. Það er nokkuð ljóst að það þarf að semja aftur við grunnskólakennara áður en það verður.