Já, það er allt á fullu. Við Tryggvi höfum undanfarið sótt námskeið um það hvernig við verðum foreldrar (áherslan á verða, þ.e. meðgöngu, fæðingu og fyrstu daga barnsins, frekar en vera, þ.e. uppeldi og áherslur seinna meir), ég hef farið í meðgöngusund og Tryggvi á fullu í ræktinni, og bæði haft helling að gera í vinnunni.
Um helgina bakaði ég vatnsdeigsbollur sem við höfum bæði verið að vinna okkur samviskusamlega í gegnum, við fórum í útskriftarveislu og svo fórum við á tónleika með 200.000 Naglbítum á laugardagskvöldið. Það reyndist vera hin besta skemmtun og mjög gaman að hitta helling af fólki sem við höfðum ekki hitt lengi. Erfinginn kvartaði smávegis yfir skorti á svefnfriði á tónleikunum, en það var ekkert óviðráðanlegt.
Síðustu vikur
This entry was posted on 23/02/2009 (Monday) at 10:42 am and is filed under mitt. You can follow any responses to this entry through the RSS 2.0 feed. Both comments and pings are currently closed.
Printed from: http://www.valdisbjork.com/archives/2009/02/si%c3%b0ustu-vikur/ .
© Valdís Björk Þorsteinsdóttir 2010.
© Valdís Björk Þorsteinsdóttir 2010.
Verður ekki að hefja gott tónlistaruppeldi snemma hvort eð er?
Jú, það held ég. Finnst samt alltaf frekar fyndið þegar fólk er að spila Mozart eða eitthvað slíkt fyrir börnin sín í móðurkviði. Held ekki að ég gæti þekkt neitt eftir meistarana ef ég heyrði það gegnum húð, fitu, vöðva og bein og með eyrun full af vökva.