Posts Tagged ‘Hartmann’

Taska úr Katia Scotch Tweed

Monday, October 19th, 2009

Hérna er taska sem ég prjónaði um daginn sem afmælisgjöf handa mömmu. Garnið er Katia Scotch Tweed, frekar skemmtilegt garn sem ég fékk í Quiltbúðinni en þar voru restarnar af þessu garni á útsölu. Mér skilst að það sé ekki framleitt lengur. Það er 65% silki, 19% ull og 6% viscose, frekar gróft og skemmtilega ójafnt.

Svo var ég að klára vestið á Hartmann. Það virðist passa og er alveg endalaust mjúkt, en það er samt býsna þykkt eins og vill oft verða þegar maður gerir litamunstur.

Tags:, , , , ,
Posted in Uncategorized | 1 Comment »

Eitthvað að frétta?

Monday, June 8th, 2009

Litla fjölskyldan hefur verið í fýlu undanfarna daga… ekki vondu skapi, bara fýlu. Við höfum nefnilega öll þrjú verið eitthvað skrítin í maganum, tökum það svosem ekki út með kvölum, en loftið í íbúðinni hefur verið svolítið þungt.

Annars bíðum við þess spennt að fá að vita hvað verður úr íbúðamálum hjá okkur. Við vorum nefnilega að gera tilboð í eign í dag og fáum gagntilboð á morgun. Ekki er búið að selja Tjarnarlundinn ennþá (þó það gætu farið að verða hreifingar í þeim málum) en við sáum að við gætum gert þetta tilboð þó hann seljist ekki strax. Ef við náum lendingu í þessu skal ég birta meiri upplýsingar um málið.

Við fórum svo í algjöra barnaveislu áðan, því að Kristbjörg var að skíra hana Karen Irani sína. Þar var náttúrulega stjarna dagsins, hún Karen, tæplega tveggja ára, á spani út um allt, en svo voru frændur hennar, þeir Stefán Þór og Daníel Arnar, þarna líka, en þeir fæddust báðir í vor. Það var ákveðin upplifun fyrir Hartmann að vera ekki minnstur, því að Daníel Arnar er algjör pínupons.

Tags:, , ,
Posted in Uncategorized | No Comments »